"DINAMIZA E NORMALIZA CASTELAO"

Bo día! Xa está aquí o esperado vídeo coa participación do noso alumnado no Regueifando 2026. O alumnado de 5º e 6º encargouse da elaboración das coplas e o alumnado de 1º, 3º e 4º da súa interpretación. Esperamos que vos guste tanto como a nós!

 Ola, familia Castelao! Xa está aquí o número 21 da nosa publicación máis esperada: a revista As nosas Cousas. Nela, as diferentes clases, especialistas e equipos dan visibilidade ás actividades realizadas ao longo do curso. E, como non podía ser doutro xeito, en honra ao noso marabilloso PDI, as súas páxinas están cheas de maxia e fantasía. Así que séntate cómoda e mergúllate nun mundo de aprendizaxes, ilusións e experiencias compartidas. As nosas cousas 2025/2026 de Sabela

Ola, familia Castelao! Ao abeiro do PDI de centro deste curso, Maxia e fantasía , o alumnado de 5º levou a cabo unha investigación sobre os irmáns Grimm. Como produto final, o alumnado de 5ºB gravou unha serie de programas na nosa radio escolar afondando na obra de Brancaneves .  Neles, un dos grupos realiza unha aproximación á vida e obra dos autores para, a continuación, comparar a versión clásica coa moderna do conto. Tamén podedes escoitar unha análise feminista da historia, unha reflexión sobre as dinámicas de poder que aparecen nela e un repaso ao papel dos sete ananos. Agardamos que gocedes moito da escoita! 

Ola familia do Castelao! Como cada ano, chegamos a unha das conmemoracións que co seu nome dalle peso a lingua da nosa Comunidade Autónoma: As letras Galegas 2026! Da man de Begoña Caamaño, a homenaxeada deste ano, enmarca o seu legado como xornalista, escritora e activista feminista.  (preme na imaxe para acceder ao contido) Alumnado e profesorado rendímoslle homenaxe a través de diversas iniciativas que gamifican os diferentes eidos da súa vida, quedando así: O alumnado de Infantil , contou o Luns 18 de Maio, coa animación  homenaxe a Begoña Caamaño. Da man de “ Donde viven los Cuentos ”, vivenciaron  a mitoloxía galega desde unha perspectiva contemporánea e de igualdade, a partir da narración e creación artística, reforzando a lingua galega como vehículo cultural. preme na imaxe para acceder á galería de fotos Desde o  primeiro ciclo de Primaria, aproveitaron a Radio Castelao , para gravar fragmentos radiofónicos icónicos de Begoña Caamaño, dándolle vida coa súas...

Ola familia Castelao!  Desde o Equipo de Dinamización da Lingua Galega, complácenos compartir con vós unha iniciativa orientada a gamificación da nosa lingua: O intercambio de correspondencia. O alumnado dos diferentes niveis de Primaria, deseñaron as cartas que ían enviar ao alumnado dos diferentes coles de Galicia que quixeron participar con nós en dita iniciativa. Falamos do CEIP Canicouva, CEIP Fleming, CEIP Antonio Palacios, CEIP Melide Nº 1, CEIP Plurilingúe Irmáns Villar e o CEIP Celso Emilio Ferreiro. Dita iniciativa desenvolveuse con éxito, pois recibíronse a totalidade das correspondencias por ambas vías. Deixamos unha pequena mostra, esperando que sexa do voso agrado.

Bo día familia Castelao! Comezamos a semana das Letras Galegas. Este ano a homenaxeada é Begoña Caamaño, non só polo seu compromiso coa lingua galega e a súa curta pero rica obra narrativa, senón tamén porque Begoña é un exemplo de como a literatura e a información poden estar ao servizo da liberdade e da igualdade. Begoña Caamaño (Vigo, 1964 – Compostela, 2014) non foi só unha xornalista ou unha escritora; foi unha persoa que cría que as palabras son ferramentas para mudar o mundo. A infancia de Begoña transcorreu no barrio vigués do Calvario, un lugar que sempre levou no corazón. Desde moi pequena foi unha lectora incansable, devorando libros que a facían imaxinar outras realidades. Aínda que estudou Maxisterio para ser mestra, a súa curiosidade levouna por outro camiño. Con só 22 anos, descubriu que a súa verdadeira vocación era o xornalismo , unha profesión que lle permitía estar onde pasaban as cousas e darlle voz a quen non a tiña. Begoña comezou a súa carreira profesiona...

Ola comunidade Castelao!  Seguimos presentando as actividades que lle deron voz e gamificaron o legado de  Rosalía de Castro, polo que temos o pracer de presentarvos este fermoso vídeo do persoal non docente do noso cole, o cal recitou: "Din que non falan as plantas". Esperamos que vos guste!

 Ola comunidade Castelao! Este é un mes moi especial nos colexios de Galicia porque celebramos o Día do Libro.  Nós comezamos o mes cun obradoiro de escritura dirixido ao alumnado de 5º e 6º de Primaria da man do escritor Adrián Viéitez. Aprendemos e desfrutamos un montón con el. Grazas Adrián por compartir o teu tempo con nós! Na radio gravouse un programa moi enriquecedor no que participáchedes familias, alumnado e profesorado. Nel compartíronse recomendacións lectoras para todas as idades. Podedes escoitalo aquí:    O propio Día do Libro, o 23 de abril, o alumnado de 5ºB de Primaria asistiu á Gala Rosalía organizada pola Deputación de Pontevedra para a entrega de premios. Aínda que a nosa creación non resultou gañadora, tivemos a oportunidade de desfrutar do visionado dos vídeos gañadores e de toda a creatividade do alumnado. Nós presentámonos cun poema de Rosalía de Cantares Gallegos musicalizado coa axuda do noso estupendo mestre Jesu: Finalmente, o luns 27...

  Benquerida comunidade educativa: Con motivo da celebración do 8M , quixemos achegar ao noso colexio un referente feminino da nosa cidade. Ela é Carolina Bruzón , unha muller empoderada que rachou moitas barreiras e estereotipos de xénero seguindo un único precepto: ser fiel a si mesma. Carolina foi bombeira, traballou tamén como formadora de bombeiros e percorreu toda Sudamérica coa única compaña da súa bicicleta, demostrando que a valentía, a perseveranza e a confianza nunha mesma poden levarnos moi lonxe. As nosas voluntarias da radio escolar fixéronlle unha marabillosa entrevista para que a poidades coñecer un chisquiño mellor. Agardamos que desfrutedes moito da escoita!

Ola comunidade Castelao! Co motivo da celebración do Día de Rosalía de Castro , o alumnado de diferentes grupos do cole, recitou e musicalizou unha variedade de poemas de Rosalía, vivenciando e enriquecendo a súa obra.   Esperamos que gocedes coa nosa antoloxía poética sonora! 

Benqueridas lectoras da nosa bitácora! Hoxe celébrase o  Día de Rosalía de Castro,  por ser o día do seu aniversario.  Imaxe da web de Cumio Editora. Rosalía de Castro naceu o 23 de febreiro de 1837 en Conxo (Santiago de Compostela) e é unha das autoras galegas máis coñecidas ao longo do mundo. Si, ao longo do  mundo, sen esaxerar. Non esaxeramos porque Rosalía sexa galega e a súa obra nos guste moito ou porque lle dese valor a nosa lingua e cultura, senón que de certo a súa obra e figura é recoñecida máis alá do que imaxinamos. Porque... sabiades que Rosalía de Castro aparece nos  cómics de Batman?  E que ten un mural en Nova York da man da artista viguesa  Vanesa Álvarez?  E que a súa imaxe voa nun avión da compañía  Norwegian Air?  Pero non só iso, senón que o nome de Rosalía resoa a millóns de quilómetros do noso propio planeta, xa que a escritora conta cunha estrela co seu nome. Si, si, como oídes. Aí fóra no ceo estrelado hai u...

Queridísima comunidade Castelao: Moi feliz Entroido, Antroido, Entruido, Introido, Entrudo… ou como ben lle chamedes! En Galicia temos máis de quince variantes distintas para referirmos a esta celebración que tanto desfrutamos ao longo e ancho do noso territorio. Porque, do mesmo xeito que existe un feixe de palabras para nomear esta festa popular, tamén hai un feixe de formas de celebrala, cada unha cos seus traxes e máscaras características: os peliqueiros, os cigarróns, os volantes, os boteiros, as pantallas… e, por suposto, os nosos merdeiros! Todas estas figuras —e algunhas máis— están recollidas na pedagóxica lámina da ilustradora Abi Castillo. Para quen sexa máis de fotografía, o ourensán Tono Arias recolle en Encarnados toda a tradición do Entroido galego, que condensa tamén nunha curta documental que podedes desfrutar aquí. Agardamos que vivades estes días con ledicia, respecto e moita troula!

Moi feliz Candeloria, CEIP Castelao! Seguramente esteades un pouco confundidos con tantas aves esparexidas polo colexio. Pero estes paxariños tan feitiños que vos visitaron polas aulas non son grúas, senón paxaros namorados que  veñen traernos unha mensaxe... Porque hoxe é 2 de febreiro ! O día da Candeloria ou a festa das Candeas. Sóavos de algo? Seguramente non, pero para iso estamos por aquí, para contárvolo! Durante moito tempo tratouse dunha data moi importante en distintas culturas porque coincide coa metade do inverno, o que significa que só queda medio inverno máis para chegar á primavera. Por este mesmo motivo, constituía un día sinalado nos ciclos naturais, e pobos coma o romano ou o celta celebrábano con moita alegría. Trátase dunha época na que, pese a non ser aínda primavera, comezan a percibirse cambios na contorna: as árbores e as plantas amosan os seus primeiros xermolos e os paxaros buscan parella e prepáranse para as súas longas viaxes migratorias. Así pois, ...

Esta semana recibimos no cole unha decena de vídeos para o XIV concurso de relato oral Tíralle da lingua. Este concurso está organizado pola Asociación Socio-Pedagóxica Galega https://www.as-pg.gal/  co fin de promover o uso da lingua galega na comunidade educativa. Podedes ver aquí todos os participantes: A verdade quédamos fascinadas cos vosos relatos e a orixinalidade da posta en escena. Desafortunadamente, só podían pasar 5 relatos á fase final, e a decisión foi moi complicada, pois como podedes ver, o nivel está moi alto! Os títulos finalistas son os seguintes: A nena pandeirereteira Os tres porquiños e a loba O tesouro de Solaina As añas da bisavoa Antonina A cova máxica Moita sorte a todas as finalistas e moitos parabéns a todos polas vosas superproducións!  

 Este pasado xoves 30 gozamos dunha fermosa xornada de Samaín: lucimos disfraces, comemos castañas, vestimos o cole cole cos froitos de outono... e para aquelas persoas máis atrevidas houbo un contacontos de medo, amenizado polo fantástico alumnado da ESADg que fixeron un traballo estupendo: moitos parabéns!  Tamén aproveitamos para descubrir os gañadores do concurso de Magostín . Deixamos por aquí unha presentación para que poidades ver todas as participacións, e cara o final, aparecen os deseños gañadores.   Aquí as fotos cos premios: Ademais, de entre todos os deseños gañadores, o equipo de actividades extraescolares elixiu a Magostina de Gaia de 3ºB como deseño para....  🙊 (sorpresa). Moitos parabéns Gaia! E xa para despedirnos, gustaríamos facer un agradecemento a todas vós pola vosa colaboración, facendo posible este Samaín. Mención especial a Uxía, que sempre nos amosa con moito mimo como coidar das nosas hortas e dos animaliños que habitan ne...

Boa tarde, benquerida comunidade!   Achégase a data máis esperada de outubro... o Samaín! E, por ese motivo, queremos lanzar un concurso para que nos axudedes a crear a mascota que este curso acompañará o noso PDI de centro: MAXIA E FANTASÍA! Como vai nacer en outubro, cremos que será un personaxe moi outonal. E que hai máis outonal ca o Magosto? Por iso se chamará Magostín . Ademais, seguramente naza impregnada da maxia que arrodea esta fin de mes... E é que outubro é un mes moi máxico e, ademais, en Galicia temos moita maxia e fantasía!  Seguro que lembrades os seres mitolóxicos que coñecemos en cursos anteriores... Para os que acabades de chegar ao cole, falamos de figuras como o nubeiro ou a coca. Pois ben, para elaborar a Magostín deberedes crear un debuxo (Primaria) ou unha colaxe (Infantil) baseándovos nas características dos nosos seres mitolóxicos. Aquí vos deixamos unha presentación coas normas de participación e con algunhas ideas de seres mitolóxicos que p...

Ola, familia Castelao! Estamos moi emocionadas porque xa comezamos outubro, o mes no que celebramos o Samaín. Ata hai moi pouco tempo, o noso querido Samaín era coñecido, por mor do contido multimedia, como Halloween, a famosa celebración anglosaxoa. Pero a verdade é que en Galicia nunca existiu un Jalogüin nin nada que soase similar. Se lles preguntades aos vosos avós e avoas pola celebración desas datas, seguramente vos falen da noite de Defuntos, noite das Ánimas ou noite dos calacús, que non son outra cousa que cabazas. Foi o profesor Rafael López Loureiro quen, a través dun estudo, relacionou as festas que celebraban as nosas avoas e avós cos ritos célticos que tiveron lugar hai máis de 3.000 anos. O termo Samaín provén da palabra galaica Samhain, que significa “fin do verán e inicio da invernía”. E precisamente isto era o que celebraban os celtas hai moitos, moitos anos. Esta data, a noite do 31 de outubro, marcaba o fin da recolleita de colleitas e o inicio dun novo ciclo de es...

Prezada Comunidade Educativa: Este sábado 17 de maio, celebrouse unha das conmemoracións máis representativas da nosa Comunidade Autónoma: As  Letras Galegas 2025 . Este ano, dedicadas á poesía popular oral, as homenaxeadas van da man das pandeireteiras  Adolfina e Rosa Casás, Eva Castiñeira e Manuela Lema, Teresa García e Prudencia e Asunción Garrido. Mulleres que, entre outras tantas, mantiveron viva a tradición oral.  No cole, quixemos visualizar o seu legado polo que, o pasado martes 13 de maio, contamos coa visita das pandeireteiras  Maria Rueiro e Carmen , que nos deleitaron cos seus cantos e aprendéronnnos os toques básicos de pandeireta: GRAZAS! (peme na imaxe para acceder a galería de fotos) Como cada ano, nestas datas tan sinaladas, publicamos   a  Revista das Letras Galegas:  As nosas Cousas .  Deseñada polo alumnado e profesorado con moito a garimo e creatividade, adxuntamos o enlace agardando que sexa do voso goce: (preme na imaxe p...

Prezadas familias! Hoxe, domingo  23 de febreiro , conmemórase unha das  figuras máis relevante da nosa literatura galega:  Rosalía de Castro .  Seguindo o Proxecto Documental Integrado (PDI) do cole: segredos da natureza , o alumnado e profesorado de infantil e primaria, a través da súa creatividade, déronlle vida a aqueles poemas que conectan directamente cos catro elementos da natureza:  terra, aire, lume e auga .  De ixamos unha pequena mostra do traballo desenvolvido, esperando que sexa do voso goce.  ROSALÍA E OS CATRO ELEMENTOS

 Prezadas familias! Hoxe comezamos a semana que Conmemora o Samaín. Como pistoletazo, e grazas a vosa colaboración, faremos o Concurso de Debuxos e Relatos que dan visibilidade á figura dos Seres Mitolóxicos de Galicia.   Lembrade que desde o Equipo de Biblioteca, contamos coa proposta da " hora de ler a escuras ": E xa no mes de Novembro,  continuaremos dándolle vida a nosa tradición galega grazas a Exposición dos Froitos de Outono .