Letras galegas 2026. Begoña Caamaño. A nosa celebración.

Ola familia do Castelao!

Como cada ano, chegamos a unha das conmemoracións que co seu nome dalle peso a lingua da nosa Comunidade Autónoma: As letras Galegas 2026! Da man de Begoña Caamaño, a homenaxeada deste ano, enmarca o seu legado como xornalista, escritora e activista feminista. 

(preme na imaxe para acceder ao contido)

Alumnado e profesorado rendímoslle homenaxe a través de diversas iniciativas que gamifican os diferentes eidos da súa vida, quedando así:

O alumnado de Infantil, contou o Luns 18 de Maio, coa animación homenaxe a Begoña Caamaño. Da man de “Donde viven los Cuentos”, vivenciaron a mitoloxía galega desde unha perspectiva contemporánea e de igualdade, a partir da narración e creación artística, reforzando a lingua galega como vehículo cultural.

preme na imaxe para acceder á galería de fotos

Desde o primeiro ciclo de Primaria, aproveitaron a Radio Castelao, para gravar fragmentos radiofónicos icónicos de Begoña Caamaño, dándolle vida coa súas propias voces. 

 

O segundo ciclo de Primaria, enmarcou o seu traballo na Literatura. Co soporte de pequenos carteis, foron acollendo frases de elaboración propia seguindo a perspectiva feminista da autora, a través do pensamento dun personaxe feminino secundario dunha obra coñecida. 

Por último, o terceiro ciclo centrou o seu proxecto nun dos eidos da súa vida e que tanto a define: o xornalismo. Coa análise das novas de Begoña Caamaño, déronlle nome aos valores que definiron a súa vida profesional. Alén diso, partiron dun fragmento de Morgana en Esmelle onde a autora define quen é Morgana:

O meu Nome é Morgana.

Morgana de Cornualles. Morgana de Tintaxel. Morgana de Ávalon. Morgana de Camelot.

Morgana, a filla de Garlois. A irmá do rei. A sabia. A druída. A meiga. A fada. A bruxa. 

Chamádeme como queirades. Tanto ten. Son todas e non son ningunha, que en cada unha desas Morganas, e de tantas outras como poidades imaxinar, hai parte da miña esencia, pero eu son máis, moito máis do que a suma ou o seu conxunto.

Eu son Morgana e esta é a miña historia. Contada por min mesma, coa miña voz. A única historia en que me vexo e en que me recoñezo. Por máis que haxa quen lembre doutro modo os feitos.

Todo este traballo quedou recollido nunha Instalación Artística no recibidor do cole, a onde vos animamos a achegarvos para descubrir as diferentes facetas de Begoña, todas elas unidas a través dos distintos fíos que teceron a súa vida.

Instalación artítica Begoña Caamaño de EDLG.

O IDIOMA É A FORZA QUE NOS XUNGUE E SOSTÉN. SE PERDEMOS A FALA                  PERDEMOS A NOSA ESENCIA.

LETRAS GALEGAS 2026💙!