"DINAMIZA E NORMALIZA CASTELAO"

Co gallo do Dia das Letras Galegas era tradición do colexio obsequiar ás familias cun exemplar da revista “As Nosas Cousas”. Queremos informarvos que este ano non será posible levar a cabo unha nova edición impresa por non recibir a axuda económica correspondente. Grazas ao esforzo e ilusión do Alumnado, do Profesorado e da Anpa traballamos arreo para sacar adiante  a revista nº8 das Nosas Cousas en versión dixital.  Open publication - Free publishing - More education

Comunicámosche que a Secretaría Xeral de Política Lingüística acaba de poñer no seu espazo web os carteis e guías gañadores do Concurso-exposición Letras Galegas 2012, ademais dunha selección de materiais e recursos elaborados por distintos centros educativos galegos cos que se pretende contribuír a un mellor coñecemento da sobranceira figura de Valentín Paz-Andrade. Para acceder, vai a http://www.xunta.es/linguagalega/letras_galegas Saúdos.

Un ano máis a CGENDL pon á disposición da comunidade escolar un  monográfico especial  con recursos para traballar nas aulas o día das Letras Galegas:  http://www.coordinadoraendl.org/letras2012 . Este especial compila materiais didácticos como actividades, unidades didácticas, exposicións, propostas normalizadoras, xogos, etc. elaborados por docentes, ENDL e outros grupos de traballo, institucións, etc. e pretende facilitar o  labor nos centros educativos. Trátase dunha páxina en constante actualización.